مابك قصور و وجهك أبيض ومشكور
أدميت قلبي كثّر الله خيرك
الجرح ينزف بس مقدور مقدور
مصيري ألقى من يداويه غيرك
غرورك لوسكن عشقي وجفّ اليوم هتانك
محال أني أدوس الجرح وأطلق فالهوى ساقي
ولو نبعك سقا غرسي وفاح اليوم رمانك
بقول أنك عسل عمري وطيف ٍ يسكن أحداقي
ليه اتجاهلني وأنا ماني جبان ولا كذوب
ليه ارخصـت دمعي وأنا ما بكيت إلا لها
قولوا لها لو ما تذوب أنا بخليها تذوب
قولوا لها لو ما عنت لي مستعد اعنا لها
اليا ادمحت لي هالخطا بدمح لها كل الذنوب
وإن جابت الحسنة معي تبشـر بعشـر أمثالها
إن كانّي مخطي فأنا ماني خليّ من العيوب
الذنب يغفر والبشر تجزا بقدر أعمالها
يعيد عيد الناس كل عام بالخير
وألا انا مالي بهالعيد حاجه
من عادني في هالزمن عمري صغير
و أنا أشوف الوقت عاقد حجاجه
بيني وبينك عهد وحقوق و وثوق
وانت الكريم اللي ضمنّا وثاقه
ولا تحسب ان القلب ماهزه الشوق
لا والله الا ذايبن في اشتياقه
اسوق لك قلبي من البعد محروق
عسى لقاكم فيه طب لحراقه
جيت أعلن التوبة على أيديك وأتوب
وامسح بحبك كل مافات وأنساه
الثلج لا شافك وهو توه يذوب
تبغى الصراحه شفتك وذبت وياه
دمك خفيف و زين طيب و حبوب
كل الحلا والزين وصفك تعداه
عجزت ألاقي فيك زلة وعذروب
من قد قلبي حصل اللي تمناه
أعود لك ؟ صعبه..عسى أيامك سنين
شربت من لوعات الايام كاسه
أنساك؟ لله .. ماتناسيت غالين
علـى هـواك ضلوع قلبي حراسه
أتبعـك ؟؟ لله ..ماتبعت المقفين
يموت خلك ماحنى الوقت راسه
ان جيت دربك لي ورود ورياحين
وان رحت جعل ايام عمرك وناسـه
يا الغلا في ذمتي محتاجك
انت تدري بحالتي واحوالي
فلها يالعنبوه احجاجك
ابتسم احلى لك و أحلى لي
ياحلو البسمه على منهاجك
ترقص الدنيا على موّالي
ياهوى قلبي ويا غاية مراده
ياطموحاتي و أغلى أمنياتي
في مقرالصدر لك حكم وسياده
تامر وتنهى والبَي ياحياتي
لوتكرم حط لهمومي وساده
كلها لجل الليالي المقبلاتي
السهر والحزن فالطرفين عاده
وا عذابك يالعيون الساهراتي
يوم بعض الناس يهنى في رقاده
طول ليلي طرف جفني مايباتي
أخذتني في عالم الحب برفوق
واسرتني في حلو منطق شفاتك
من مبسم السكر تصوغ احلى منطوق
سكر كلامك فـاق سكر نباتك
وأنا وقلبي .. والوله ساقنا سوق
جينا انتقاسم في غيابك فتاتك
يبطي فلا يوصل محبتك مخلوق
هذا وعد مني وعهدٍ لذاتك
مدامك بخير ومريّح ومستانس
ثلاث الأشياء تعوّض غيبتك عني
وش اخبَارك ؟
عسىَ بَعدي الهوىَ زارك !؟
عسىَ بَس حافظ أسراري ، مِثل مَاا أحفظ أسرارك !؟
عسىَ مِشتَاق لِـ عيوُني
عسىَ مرتَاح مِنْ دوُني ..!؟
عسىَ لو بـِ الخطاا مَرَّه ، أمرّ وأشغل أفكارك !؟
عسَاك (تحنّ)
لِـ أشواقي !؟
عسَاك (تونّ)
لـِ فراقي !؟
عسىَ للحين أنَاا باقي مِن أجمَل ، وألطف أقدارك !؟.
سافر عسى ربي يحرسك وياقاك
هذا البخت عزاه وش في يديني؟
يا شين باكر يا حبيبي بلياك
لا جاء وعدك اللي بوقته تجيني
لي قمت أدوج في مداهيل ما طاك
يا ما جرى بشهار بينك وبيني
هذا وهو توك تطري بممشاك
وشلون لي قفيت يا نور عيني
يا شيب عينك يا هوى البال واشقاك
كانك مثل ما أبيك يا اسمر تبيني
قبـل الــوداع استـأذنـك ودي ابكـيـك
نفـسـي ابــرد حــرة الـدمــع فـيـنـي
مـن عقبهـا روحـي عسـا الله يهنيـك
والله يـصـبـرنـي لـبـاقــي سـنـيـنــي
لاتـذرفـيـن الـدمــع بـفــراق غـالـيــك
ولاتحزنـيـن ان هـلـت الـدمـع عيـنـي
انـا قضـاي امـوت بــك وانـدفـن فـيـك
واعشق جنون انسان مجنون فينـي
بـــا الله لاتـطـريـن مـاضــي لـيـالـيـك
وان حـــل مـوعـدنـا فـــلا تحـتـريـنـي
وان مـر طيفـي فـي خيالـك يجاريـك
صــدي مـدامـه عـهـد بيـنـك وبـيـنـي
لا والــذي صـــورك مـانـيـب نـاسـيـك
وادري عـقــب فــرقــاي تتـذكـريـنـي
حبيبتـي محتـار مـدري وش اهـديـك
يمـكـن تلعثـمـت الـكــلام اعـذريـنـي
عشق تملاه الظنـون .. وحـب صدقـه مستعـار
عاشـقٍ جفّـت شفاهـه والحنايـا ممطـرة ..
يستحي يخجل يظن ويحسـب ان الحـب عـار..!
ودفتره خزنـة سنينـه مـن عبيـر المحبـرة
لا ماانشغل عنك انا منشغل فيك
وادري مكاني في وسط قلبك مكاني
ماني على حبي تراني موصيك
وادري ترى قلبك بعد مانساني
اجمع من اشواقي عشان اهديك
واعزف لك الحان المعاني اغاني
لاتحسبني سالين عنك ناسيك
يااحلى الاغاني والشجن والمعاني
انا عطيتك وقت الايام واعطيك
روحي وحالي والوفا والاماني
كلي عشانك وبالروح نفديك
يا احلى هدية شفتها من زمان
انا تراني يابعد عمري اغليك
انا اعاني وانته مثلي تعاني
شف نبض قلبي وامسك القلب بيديك
عطني حنانك واجمعه مع حناني
تفارقنـا وصـرنا يـا حبيبـي بالزمـان أغـراااب
وتاهت في دروب الشوق يا عمـري خطاوينـا
تفارقنا ولا ندري عـن الفـرقـا وش الأسبـاب
ظـروف الوقـت ولا خانت أحكـام القـدر فينـا
حبيبي يا بعد كل الحضور ويا بعد مـن غـاب
ترى لـو عـانـدت دنيـاي مـا و اللـه تنـسـيـنـا
أكيـد إنـا تفارقـنـا .. ولكـن مـا نـزال أحبـاب
سكن فينا غلااااك اللـي علـى بعـدك يواسينـا
أنـا عيبـي بِصِـدقَ اعشق وِنـارِ الحـبِّ تَعمينـي
وِدايــمْ دِنيـتـي تَغـدرْ يُـخـونِ الـحــظِّ أعـوامــي
أنـا مانـي فـي حاجـة همْ أنـا هْمومـي تِكَفِّيـنـي
أنــا أوَّل حيـاتـي ظيمْ وِدمـعـة جفـنـيِ خْـتـامـي
عسـى ربـي بعـد صبري بِكـلِّ الخـيـرِ يَجزيـنـي
يِـزَيِّـن بالهـنـا عمري وِيِجـعـلْ صـبـريِ وسـامـي
شوف صار اليوم همي من فراقك يشتكي لي
كل هم ..
وكل غم ..
وانت ياقلبي بخير ..
خلني / بـ اختم هواي المنتهي بـ قصهـ رحيلي
وخوفي حظي لا يجيبك ادري هـ العالم صغير
ياعساك تشوف حظك مع من اخترتهـ بديلي
والا انا ياجعلي ارحل من على الدنيا واسير
وهذا انا بـ اهديك دمعي يوم من شانهـ تجي لي
" ياخي خاف الله فـ ضعفي "
يكفي عذبت الضمير !
عسى الأحبــــه تقـــدّر سبة غيابي ..!!
من كثر مالوقت ضايقني .. ومرهقني ..
ماودي اجيب همـــّي وازعــــج احبابي ..
لاصــار وضعي حزين .. وحيــل خانقني ..
احســن اغيب .. واحبـــابي ... هم احبـــابي ..
}{ [fot1]اتمنى تعج ـبكمـ [/fot1]}{
OK.OK
SOME ONE 
الإهداءات
2008-02-01, 12:59 AM
{..مدامك بخير ومريّح ومستانسـ// ـثلاث الأشياء تعوّض غيبتك عني..}
