السلام عليكم

هذهـ مجموعة من المسجات اعجبتني

:::


الا يا خوي لا تسأل.. عن اللي حطم أحلامي
عن الدمعة عن النظرة الحزينه والعنا و الآآآآآه
عن البسمة أو الإحساس.. أو الشقا اللي فأيامي
ترى في دمعتي قصة وأنا في قصتي مأساة
أشوف الظلم بعيوني ..يعذب قلبي الظامي
أشوف الكره معميهم وكلن ملتهي بدنياه
أشوف الكل هاجرني ويقرب لحظة إعدامي
أنا والله لي قلبي حنانه هو سبب بلواه
\
/
\
أدري أنك بتتألم يـوم قـرب هالفــــــــراق
ويعلم الله ما قصدت أجرح خفوق يودنــي
أنجبرت أسلك طريقٍ موحشه ماهي تطاق
و أنجبرت أحيا حيـاةٍ مظلمـه بتهدنـــــــي
ربي لحاله يدري عن خفوقي كيف ضاق
وأظلمت فيني السنين و عالجروح تحدنـي
لا تناسى ذكرياتي ويوم ذبتـي بالعنــــاق
وإن ذكرتيهم اصحابـك الله الله عدنــــــي
\
/
\
ياللي تبي تعرف أسراري وعنواني..
الضيق والحزن واللوعه عناويني..
وان كان ودك تدورني وتلقاني00
في كل لمة حزن يمكن تلاقيني00
بكتب الحزن والضيقات تقراني00
والناس من زود أحزاني تبكيني
\
/
\

ياما على نفسي بالاحلام كذبت
ياما صبرت وصبرنا ما نفعنا
ياما و ياما في وداعه تعذبت
و ياما نحاول نفترق ما استطعنا
كم مرة ودع وكم مرة غبت
وكم مرة عقب الوداع اجتمعنا
لا قادر أنساه.. مهما تهربت
ولا معترف في حبنا .. مجتمعنا
\
/
\
لميت جرحي واحتضنته وسافرت
ما للواداع بخاطري غير تجريح
ودي ولكني صمدت وتصبرت
و اقفيت اشد اخطاي بالغصب لا اطيح
ما هو جفا.. انا ما تغيرت
عقب الوداع.. فراق ما هو بتلميح
ياليتني دمعه فراق وتبخرت
لا( احساس) لا ( وجدان) لا (قلب يصيح)
امشي على ذكراك ولا تعثرت
يا ساكن الوجدان بدون تصريح
ولو خيروني من الملا ما تخيرت
غيرك حشا وش فيه؟.. من هبت الريح
\
/
\
ادرى انـك صرت ضـمن المستـحيل..
بس قلبى رغم بـعدك ما نسـاك..
وادرى انى مـنك ضيعت الـدليل
والسـبب لا شك هو كثره غـلاك
وادرى انـى من سبب بعـدك عـليل.
الله واكـبر صـار حبـى لي هـلاااااااااك..
وادرى انى ممـكن القـالك بـديل
بس وين اللى يــسـاويك.ّّّ!!!!
\
/
\
أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات !
\
/
\
جيتك بقايا روح في هيكل انسان
ابيك ترسمني للاحزان لوحة
ارسم وخذ مني دليل وعنوان
كيف الاّسى يغتال نفس طموحه
واعزف على قيثاره احزاني الحان
انا مودع وارتجيك السموحه
تنحت بي الذكرى على سكة الحرمان
وأشوف الأمل بعيون حزني وحرماني
تحملت هم وضيق ما يحمله إنسان
يوم الزمان بكل شدة تحداني
يشم السعاده فاقد العطف والحنان
ظروف التعاسه وين ما روح تلقاني
\
/
\
ما شفت بالدنيا على مر الاوقات
كثر العذاب اللي بها محتويني
الموج يلطم والعواصف شديدات
ولا بقى شي(ن) تطوله يديني
مليت أجامل وأكتم الجرح بسكات
وأنا هواجيسي تروح وتجيني
إلى متى عايش أسير المعاناة
إلى متى دنيا الشقا تبتليني
\
/
\
لا تسألوني وش جرى في حياتي
خلوا همومي بالحشا مستقره
الصمت ثوبي والمواجع عباتي
والحزن كله وسط قلبي مقره
لو أستعين بواقعي وذكرياتي
أحيا و أموت بالثانية ألف مره
همي تجمع من جميع الجهات
تجاوز حدود الفلك والمجرة
\
/
\
كني ليا من تذكرت ما فات
يتيم وطاحت في يدة صورة أمة
وقام يتذكر الليال القديمات
وقام يتذكر يوم كانت تضمة
وعود على دولاب أغراضة شتات
ثم شاف عبايتها وأبطى يشمة
وهلت دموع من عيونة غزيرات
يبكي ويمسح دمعتة فوق خدة

:::

إن شاء الله عجبتكم