هذي الحركات كلها مجربة على هواتف نوكيا ومضمونة 100% .. وعلى ضمانتي أنا شخصياً .....
طريقة إرسال رسالة من جوال لبريد الكتروني..تفتح على إنشاء رسالة ثم تكتب الإيميل المراد إرسال الرسالة إليه.. ثم تترك مسافة واحدة فقط ثم تكتب الرسالة
ثم خيارات.. ثم ارسال.. وتكتب هذا الرقم (00447747782320) ثم موافق.. وعلى طول راح تاصل الرسالة
لكن لابد من كتابة الرسالة بالإنجليزي. لأنه بالعربي ماتجي معاك..
*
*
*
طريقة نسخ الصور المحفوظة أكثر من مرة..إذا كان عندك في الحافظة صور إنت مدخلها وتبغى تنسخها أكثر من مرة.. فإليك بالطريقة،،
تفتح على رسائل الوسائط...إنشاء رسالة.. خيارات.. إدراج صورة.. صور.. تختار الصورة المطلوبة.. خيارات.. ادراج
بيكتب لك "تم إضافة كائن" ثم خيارات.. إرسال إلى هاتف.. تكتب أي رقم حتى لو رقم واحد.. بيكتب لك فشل في إرسال رسالة وسائط متعددة
.. ثم اضغط على رجوع.. ورجوع مرة ثانية.. وانزل تحت وافتح صندوق الحفظ في نفس الوسائط المتعددة.. بيطلع لك نفس الرقم إللي كتبته.. اضغط خيارات.. ثم حفظ الصورة.. اكتب لها أي اسم.. موافق.. اختار الحافظة إللي تعجبك.. اختيار؛؛؛ وخلاص تحفظ لك الصورة وتكون مكررة،،
وبإمكانك حفظ الصورة نفسها أكثر من مرة وفي أكثر من حافظة،،

** والطريقة هذي حاصلة أنا فيها على براءة الإختراع.. وحقوق الاكتشاف محفوظة لي**
*
*
*
زيادة عدد الرسائل المحفوظة إلى 170 رسالة..
إن كان جوالك مايستوعب إلا (150رسالة).. أنا بطريقتي الخاصة أقدر أخليه يستوعب لك.. (170 رسالة) وذلك بزيادة 20 رسالة ،،
في البداية سوي نقل خمس رسائل تقريباً إلى نماذج " بالنسبة لعدد الرسائل المنقولة انت حر تنقل وحدة تنقل عشرين مو مهم..لكن الأفضل خمس عشان ماتنحاس.. بس"
ثم تفتح على نماذج.. طبعا عندك نماذج كتابية ونماذج صور
بالنسبة للنماذج الكتابية.. تفتح على الرسالة الأولى.. خيارات.. تعديل.. كرسالة نصية.. خيارات.. مسح النص.. خيارات.. استخدام نموذج.. ترقى بالسهم على فوق بتطلع لك الرسائل إللي نقلتها.. اختار وحدة منها.. ثم خيارات.. حفظ الرسالة.. بيطلع لك"استبدال الأصل" اختار نعم
وخلاص تحفظ لك الرسالة.. كرر هذي الطريقة مع الرسايل الأربعة الثانية.. وبعدين راح تكون الرسائل إللي نقلتها لنماذج مكررة مرتين.. انت روح للرسائل إللي نقلتها< مو إللي عدلتها> وهذي الرسائل بتكون أرقامها(21-22-23-24-25) وخلاص امسحها
وارجع وكرر نفس الطريقة مرة ثانية ومع خمس رسائل ثانية..
أما بالنسبة لنماذج الصور فيه اختلاف بسيط... فبدل من تعديل تختار تحرير نص..اختيار.. كرسالة نصية.. خيارات.. حذف صورة.. موافق.. خيارات.. استخدام نموذج" تختار رسالة من الرسائل المنقولة".. خيارات.. حفظ،،
وارجع وكرر نفس الطريقة مرة ثانية ومع خمس رسائل ثانية..
واذا كنت تبغى تسترجع النماذج الكتابية والصور مرة ثانية.. فمافيه أي مشكلة.. راح ترجع لك زي أول ،،
روح لنماذج.. افتح عى النموذج الأول.. خيارات.. مسح.. موافق.. وبيكتب لك" تم استعادة النموذج الأصلي" وترجع خلاص.. لكن الرسالة بتمسح ،،
وإذا إنت تبغى ترجع النموذج الأصلي وماتبغى الرسالة تمسح.. اختار نقل بدلاً من مسح.. واختار أي حافظة.. وبكذا تحتفظ بالرسالة وبالنموذج الصلي بنفس الوقت..
والأفضل إن الطريقة هذي تستخدمها للرسائل الغالية عليك.. وإللي ماعندك نية تمسحها أبد؛؛؛

** والطريقة هذي حاصلة أنا فيها على براءة الإختراع.. وحقوق الاكتشاف محفوظة لي**
*
*
*
وهذي طريقة ثانية تحفظ لك أكثر من مليون رسالة لو بغيت!!!!
روح للرسايل إللي عندك في أي حافظة كانت.. اضغط خيارات.. نسخ للتقويم.. اختيار..
وخلاص لما تفتح على التقويم راح تلقاها عندك محفوظة
وبعدين روح لقائمة الرسائل بتلقاها نفسها موجودة امسحها إن بغيت عشانها خلاص حفظت في التقويم
وعلى فكرة.... "الأيام إللي في التقويم ومحفوظ فيها ملاحظات يكون التاريخ فيها مكتوب بأسود عريض"،،
وإذا بغيت ترجعها مرة ثانية لقائمة الرسائل
روح للتقويم.. خيارات.. ملاحظات اليوم.. خيارات.. إرسال ملاحظة.. كرسالة نصية..
وبتطلع لك على شكل تعديل رسالة امسح إللي مكتوب فوق (ملاحظات مذكرة) بعدين خيارات حفظ الرسالة.. واختار الحافظة إللي تعجبك.. وترجع عادي،،
لكن خذ بالك الطريقة هذي ماتحفظ إلا (160حرف تقريباً) يعني إذا كانت الرسالة طويلة (200 حرف) الجزء الأخير منها ماراح يحفظ، وعشان تحفظة يلزمك بعد ماتسوي لها حفظ ارجع مرة ثانية وحاول تقلل عدد الحروف(يعني امسح الجزء إللي فوق، وخل نهاية الرسالة إللي ماحفظ).. وحفظه مرة ثانية بنفس الطريقة،،
وكمان لازم تروح لقائمة التقويم وتاخذ خيارات.. ضبط.. المسح الآلي.. اختيار.. وتختار( أبـداً ) عشان الملاحظة "إللي هي الرسالة المحفوظة" ماتمسح أبداً،،

** والطريقة هذي حاصلة أنا فيها على براءة الإختراع.. وحقوق الاكتشاف محفوظة لي**
*
*
*
طرقة لمنع إرسال الرسائل..
تبغى ماأحد يرسل رسايل من جوالك من وراك؛؛ إليك بالطريقة..
روح لضبط الرسائل.. وفي رقم هاتف مركز الرسائل طبعا يكون بداية الرقم 96655032999+ ـــــــ انت شيل الـ +
واكتب بدالة صفرين (00) وخل هذا رقم المركز إللي ترسل منه.. ((لأن الـ + في الأصل هو عبارة عن اختصار للصفرين الدوليين)) ..
وإذا بغيت تسوي حظر على الرسائل روح لنفس المركز وحط قبل الصفرين+
وبيكون شكل الرقم كذا (0096655032999+) وبالطريقة هذي إذا حاولت أي احد يرسل رسالة من وراك راح يكتب له: " تأكد من خدمات الشبكة"
وإذا شك في رقم المركز وراح يتأكد من صحة الرقم ماراح ياخذ باله من الصفرين والـ+ ..
وإذا بغيت ترسل إنت روح لنفس المركز وامسح الـ+ .. وراح يرسل معاك عادي ،،


** والطريقة هذي حاصلة أنا فيها على براءة الإختراع.. وحقوق الاكتشاف محفوظة لي**
*
*
*
طريقة لمنع إجراء أي اتصال من جوالك..وإذا كنت ماتبغى أحد يكلم بجوالك من وراك.. إليك بالطريقة ،،
روح للضبط.. ثم ضبط الحماية.. ثم الاتصال بأرقام محددة اختار يعمل.. ادخل الرقم السري الثاني.. ثم موافق.. بيكتب لك" تم تشغيل الاتصال بأرقام محددة" وبالطريقة هذي لايمكن أحد يكلم بجهازك..
وان كنت تبغى تحدد أرقام معينة تتصل بيها.. روح لنفس ضبط الحماية.. ثم الاتصال بأرقام محددة.. روح لقائمة الارقام.. خيارات.. إضافة .. إدخال الرقم السري الثاني.. وتكتب الأرقام إللي تبغاها..
وإن كنت تبغى تفك الشفرة روح للضبط.. ثم ضبط الحماية.. ثم الاتصال بأرقام محددة اختار..لا يعمل ادخل الرقم السري الثاني.. ثم موافق.. بيكتب لك" تم ايقاف الاتصال بأرقام محددة" ..
*
*
*
طريقة كتابة أبيات شعرية منظمة..اكتب الشطر الأول من البيت.. ثم اضغط الصفر ثلاث مرات بسرعة عشان تنزل سطر ثاني.. لما تنزل شطر ثاني اضغط على النجمة.. ولما تطلع لك خيارات الرموز بيكون عندك سهمين صغار( واحد راسه متجه لليمين..والثاني لليسار) اختار السهم إللي متجه لليمين.. وبعدين اكتب الشطر الثاني.. ولما تحفظ الرسالة بتلاحظ إن شكلها طالع نفس شكل بيت الشعر.. **

والطريقة هذي حاصلة أنا فيها على براءة الإختراع.. وحقوق الاكتشاف محفوظة لي**

************************************************** *****
منقول للفائده