لاتفرحين بضيقة الخلق يابنت** بكره تبدل ضيقتي بابتسامه

من عيوني خذ مراسيل الغرام** كان تفهم في لغة حب العيون

وقت الشدايد خلني سيف يمناك** وابشر بعزك كل ماصرت سيفك

انا مجبور في حبك ولا تسأل تقول شلون ** خطاك انك تبي تعرف مكانك وين في قلبي

لابد يوم يجي وتواجه الدمعه** اما على جيتي والا على فراقي

ان كان شفتي في وصالك لي احراج** في صمت احبك بين قلبي وبيني

توقعت ان بفراقك تقوم الدنيا وتقعد** واثاري الفرقى عاديه ولا حسيت بفراقك

من عرفت الدنيا ماعمري خضعت** ومن بعدتي صرت افكر بالخضوع

انا السماء وانتي مثل واطي القاع** مهما كبرتي بالمساحات تحتي

اضحك ولا كل الوجيه احترمها** بعض الوجيه اهينها بابتسامه

لو ادري اني في منامي بشوفك** حرام لقضي دنيتي كلها نوم

وش فيك في لحضه تغيرت وقفيت** منهو الجديد اللي عطيته مكاني

مشيت من شانك على كل ممنوع ** مدري جنون الحب ولا شجاعه

لاضقت من نفسك وحدتك دنياك ** ارجع تراك اليوم مني وفيني

تبي الحقيقه جارك الله من النار** من ما أنجبت مثلك تراها عقيمه

حبك بقلبي مثل وشمن على كف** يموت راعي الكف والوشم باقي

فكرت بالدنيا بلياك وشلون** وبلحضه التفكير هلت دموعي

احرص على اللي دايم الدوم شاريك** واحذر من اللي لاقسى الوقت باعك

اكبر فخر للمرجله يوم نطريك** واكبر فخر لعيال عمك وجودك

سمعت صوت الباب وانا احسبك جيت** اثر الهوى والباب يلعب عليه

انا اذكر يوم جيتيني وبصدرك نزيف طعون** سحبت السيف ابفزع لك وبسيفي طعنتيني

قبلك وانا بعض الجمال التفت فيه** وعقبك ظهر في كل من شفت عيبه

كمل جميلك واحفر القبر لاهنت** وشلون اعيش بدنيتي دون لقياك

على كف الغلا شلتك وحطيتك وسط عيني** اداري خاطرك واكسر خواطر ناس تغليني

ياصاحبي ماهي حكاية كرامة** حنا خسرنا بسبتك ناس غالين

ادري انك تحب الخاين اللي غدربك ** بس كمل طريقك وارفضه من حياتك

ودي قبل موتي ارد اعتباري** اخاف اموت وخاطري منك مكسور

دورت لك في داخلي شي يكرهك** لقيت حتى الكره فيني يحبك

انا بدونك ليتني يوم ماكنت** بس انت قلي كيف حالك بدوني

نادت مشاري وصاحو الخلق لبيه** من زينها كل الخلايق مشاري

ما كل من حبيتي يذكرك بالخير** بعض البشر بنساك من يوم تمشي

ياشينها لاصرت للناس محتاج** تصغربعين الناس من شان حاجه

جيت المكان اللي قعدنا به اوقات** وعجزت اقعد في مكاني دقيقه

اخاف ابين حناني ثم تتكبر** واخاف ابين قسا قلبي وتنساني

خل العناد اللي براسك يولي** اخاف لاتصغر بعيني واخليك

انا افكر كيف ازيل المنحدر من الاساس** والاغبياء لاهين في لذة صعود المنحدر

مايخلي حالة الرجال حاله** غير بنت في مواقفها رجوله

فيها غنج ساذج على ملعنة جد** على شوية شيطنة مع شقاوه

نسيتني في زحمة افراح دنياك** حتى سلام الله تكاثر تقوله

من قدر الايام جيتك كارهن نفسي** لوقلت وش فيك بكيت وقلت محتاجك

ازعل وان كان حبة الكوع ترضيك ** كسرت يدي لك وحبيت كوعي